1645. Владиславъ, кроль полский, померъ.

Того жъ року Могила митрополитъ померъ, а по немъ зосталъ митрополитомъ Силвестръ Косовъ.

1648. Богданъ Хмелницкій на Запорожю повсталъ, и тамъ що было въ СЂчи ляховъ, нЂмцовъ, всЂхъ выкололи козаки, а съ татарами Хмелницкій взялъ примире. Учувши тое, ляхи послали Потоцкого молодого, сына гетманского, зъ войскомъ, на Запороже, а Хмелницкий съ козаками и ордою стрЂтилъ ихъ на Жовтыхъ Водахъ, о родопостю великомъ, и осадилъ ихъ, и знеслъ войско лядское все, а комисара и каштеляна живцемъ узяли и татарамъ отдано. А потымъ пошолъ Хмелницкий въ городы, и пришолъ подъ Корсунь, а тамъ ляхи зъ Потоцкимъ, гетманомъ великимъ короннымъ, и съ полнимъ гетманомъ Калиновскимъ, учинили битву съ Хмелницкимъ и збилъ ляховъ, мая 24 дня, о святахъ зеленыхъ, а гетмановъ обудвухъ лядскихъ отдалъ живцемъ солтанови татарскому Тугай-беови.

1649. Поляки, зобравшися знову, шли на городы козацкие и пришли подъ Пиляву; Хмелницкий съ козаками и ордою стрЂтилъ /9/ ихъ, и тамъ обои войска станули, козацкие и лядские; тамже день и другий пылно герцы межи собою одправовали; а въ тымъ орда вся пришла до Хмелницкого и заразъ ляхи зъ великою гордостю звели битву съ Хмелницкимъ, але ихъ Хмелницкий зломалъ и розбилъ войско ихъ, а ляхи, утЂкаючи, заперлися въ Збаражю; тамъ ихъ Хмелницкий стиснулъ облеженемъ, где великий голодъ ляхи терпЂли, Ђли конЂ и псы свои коханыи; а кроль Казимиръ самъ съ посполитымъ рушенемъ ишолъ ляхомъ на отсЂчъ; почувши тое, Хмелницкий взялъ половину войска козацкого, мЂлъ повтораста тисячий 1), а орды осмдесять тисячий, также и орды половину, стрЂтилъ короля подъ Зборовомъ, до которого заразъ ляхи зъ великимъ пудомъ скочили, але онъ ихъ тамъ много побилъ и облеглъ.

1) Приписка сбоку: всего войска 230000.

Потимъ кроль Казимиръ просилъ Хмелницкого до себе, давши козакомъ семи сенаторовъ въ заставу за Хмелницкого; а Хмелницкий приЂхалъ у сту коней до обозу полского, нарадно, бучно, збройно; а пришедши предъ кроля, палъ предъ нимъ на землю, а потомъ, gды за росказанемъ кролевскимъ подведено его, мовилъ ему кроль: если то годится такъ сынови коронному, тобЂ, пане Хмелницкий, на пана своего руку подносити и воевати на него? — А Хмелницкий отказалъ, плачучи: я на кроля, пана моего милостивого, руки не подношу, толко на его сенаторовъ, которые и на святой памяти кроля Владислава, рожоного вашой королевской милости, пана моего милостивого, недбаючи напомнене, такъ мнЂ самому, яко и всему народови малоросийскому несносные и невымовные чинили кривды, а теперь, чого не дай Боже, gды бы насъ зламали, не зоставили бы и наслЂдку русского! А такъ, найяснЂйший, милостивый пане, будемъ боронитися, поки насъ станетъ, абы въ наши козацкие города а ни заглянули. Я й теперъ, найяснЂйший пане мой милостивый, учинити готовъ все, що ти кажешъ, а зъ ляхами буду битися! И плакалъ кроль самъ, сенаторове и Хмелницкий велми часъ не малый; потомъ Хмелницкий палъ знову предъ кролемъ плачучи, просилъ прощения и лежалъ, облапивши ноги кролевские, а кроль казалъ /10/ его подвести и, давши ему руку свою поцЂловати, просилъ, абы зъ облеженя выпустилъ войско полское зъ Збаража. И такъ пріЂхавши Хмелницкий до обозу своего, и заставныхъ сенаторовъ казалъ до кроля одпровадити, а самъ зъ войскомъ своимъ приЂхавши подъ Збаражъ до другого войска съвоего, просилъ до обозу своего гетмановъ полскихъ и иншихъ пановъ на учту, а участовавши оныхъ, далъ сорокъ возовъ лиgоминъ вшелякихъ войску лядскому; и одступилъ отъ Зборова отъ ляховъ, пошолъ въ городы свои, а кроль Казимиръ отишолъ зо всЂмъ войскомъ до Полщи.

1650. Адамъ Кисель воеводою зосталъ киевскимъ, панъ благочестивый; того козаки любили велми.

1651. Ляхи подъ Берестечкомъ малымъ, Хмельницкого войско збили 1); а такъ, покинувши козаковъ и таборъ весь, мусЂлъ утЂкати; также и орда утЂкала, а козаки также. где хто моглъ утЂкати, тамъ утЂкали; и велми ихъ тамъ погинуло много на болотахъ, и на переправахъ отъ ляховъ побито, бо ляхи за Хмельницкимъ ишли въ тропы ажъ до БЂлой Церкви, города козацкого.

1) Приписка сбоку: по той причины, что помогавшіе ему бездЂльники татаре изменили и, войска Хмельницкого оставивъ, убЂжали. Верно отъ поляковъ были подкуплены.

А Хмельницкій знову, зобравши войско и зъ ордою, ишолъ противко ляховъ; а ляхи, впавши въ БЂлую Церковъ, замкнулися въ ней; а Хмельницкій тамъ ихъ облеглъ. А Янушъ Радивилъ, гетманъ литовский, и Еремиашъ Вишневецкий, зъ другиии войсками, ишли на Вкраину; а гды до Паволочи пришли, тамъ Вишневецкий померъ и вернулися всЂ коронные жолнЂре до Полщи, взявши зъ собою тЂло Вишневецкого. А Радивилъ зъ Литвою пришолъ до Киева, и где моглъ чути въ кого скарбы, то побралъ ихъ. А въ Кие†на той часъ былъ митрополитомъ Силвестеръ Косовъ, и много подавалъ Радивилу скарбу, и въ монастыру Печерскомъ бралъ, що самъ хотЂлъ; а потомъ вернулся до Литвы. А тые що были ляхи въ БЂлой Церкви въ облеженю, просили Хмелницкого о милосердие; и пустилъ ихъ въ цЂлости до дому; а gды выходили /11/ зъ мЂста, казалъ Хмелницкий на ихъ ганбу трубити въ тые трубы, що мысливци собакъ скликаютъ, а было тыхъ трубокъ триста.

1652. Великий былъ моръ по всей УкраинЂ, и велми много померло людей свЂцкихъ и духовныхъ.

1653. Богданъ Хмелницкий поддался зо всею Украиною и воискомъ запорозскимъ, и присягалъ въ Переяславлю Алексею Михаиловичу, цару московскому.

1654. Ляхи зимою доставали Уманя, а Хмелницкий съ козаками и зъ москалями, надъ которыми гетманомъ былъ Борисъ Васильевичъ Шереметъ, ишли на одсЂчъ Уманю. ДовЂдавшися того ляхи, же Хмелницкій зъ Москвою и козаками идетъ до Уманя, оставивши Умань, стрЂтили Хмелницкого въ степу, такомъ мЂстцу, где не было ни воды, ни дровъ, ни сЂна, и тамъ его, маючи при собЂ татаръ, осадили, а морозы велми были великие, (тое чинилося по Крещении), и такъ три дни будучи въ облеженю, где ни козаки, ни москалЂ, ни кони ихъ ничого ни Ђли, ни пили, а дня четвертого обозъ свой Хмелницкий оточивши вкругъ гарматами, бо вже но моглъ болшъ вытрвати голоду и зимна, пошолъ на проломъ, стрЂляючи зъ дЂлъ и ручнои стрелбы безъ престанку; а пробившися на волю, бо не могли ему що ляхи учинити, обернулъся на ляховъ и на орду и много ихъ побилъ и ажъ до Букувъ мЂста и за Буки гонилъ ихъ. А тую войну козаки прозвали Дрижиполемъ, бо ни одинъ козакъ и москаль дрижачи сконалъ.

Того жъ року, августа дня 4, въ среду, солнце все затмилося на годинъ д†была ночь о полудню, и звЂзды было видати на небЂ.

1655. АлексЂй Михайловичъ, царъ московский, воевалъ Литву и взялъ мЂсто столечное литовское, Вилно.

Того жъ году ходилъ Хмелницкий подъ Каменецъ Подолский, а постоявши подъ нимъ, одступилъ и пошолъ подъ Лвовъ; а зъ нимъ Василий Василиевичъ Бутурлинъ, зъ Москвою; пришедши подъ Лвовъ, хотЂлъ его добывати, але лвовяне окупилися ему; онъ, взявши окупъ, хотЂлъ ити въ Полщу далей, але же зима наступила, вернулся до дому. /12/

Тоей жъ осени, якъ былъ Хмельницкій подъ Лвовомъ, вышелъ ханъ зо всЂми ордами своими, на городы козацкие, почавши отъ СмЂлои, на городище на Волховецъ, на Звинигородку, тянулъ противно Хмелницкого; а подъ всЂма городами украинскими было мнозство татаръ, хотячи добывати городовъ, бо ханъ розгнЂвався на Хмелницкого за тое, що здався москалеви и тыихъ козаковъ, що зъ городовъ украинскихъ ишли до Хмелницкого, албо отъ Хмелницкого сподъ Лвова, татаре ловили и самого Хмелницкого, споткавши его подъ ОзЂрною, мало не розбили, бо войско свое Хмелницкій роспустилъ былъ, и мало що было при немъ. Потимъ, змиривши съ ханомъ, самъ Хмелницкий былъ у него въ наметЂ, а поговоривши зъ собою наединЂ. розошлися въ покою; и пришедши Хмелницкий съ той дороги въ Чигиринъ, захоровалъ.

1656. Антонъ, судия енералный козацкій, ходилъ въ зимЂ на венgры, бо на той часъ вторгнули были венgры до Полщи, а знявшися зъ шведскимъ королемъ той Антонъ, Варшаву, Краковъ и иншие городы по за Вислою, воевали.

Того жъ лЂта, Хмелницкій сына своего Юрася, еще молодого, съ Чигирина выправилъ до войска, на Ташлыкъ.

Того жъ часу, Хмелницкий гетманъ померъ, а сынъ его на Ташлыку стоялъ недЂль шесть; а повернувшися до Чигирина, уже отца своего не засъталъ живого.

Того жъ року, Силивестеръ Косовъ, митрополитъ киевский, померъ. А по Хмелницкомъ Іоанъ Выговскій, писарь енералный, зосталъ гетманомъ козацкимъ.

1657. Подъ Полтавою Пушкара, полковника полтавского, который былъ збунтовался на Выговского 1) гетмана, подъ Полтавою козаковъ его збилъ, самого поймавши, казавъ стяти Выговский.

1) Приписка: По дурачеству гетмана началась измЂна.

Того жъ лЂта, Данило Выговский подступилъ подъ городъ московский киевский, отъ монастыра Печерского, зъ войскомъ козацкимъ, а Яненко, полковникъ киевский, зъ другого боку съ козаками стоячи на Шкавици, добывали города московского. На той часъ /13/ въ городЂ воеводою былъ Борисъ Василиевичъ Шереметъ; а потымъ, гды дня едного Данило Выговский былъ веселъ, Москва, вышедши зъ города, обозъ Данилковъ розбили, и козаковъ много згинуло, а Данилко Выговский самъ ледво утеклъ. Тогды же и Киевъ прежде добываня своего, москалЂ городъ Киевъ спалили ввесь; и тая война назвава есть скавичщина.

1658. Григорий Гуляницкій, полковникъ миргородский, отъ Москвы былъ въ облеженю въ КонотопЂ, которого Выговскій гетманъ, пришедши съ козаками и ордою, освободилъ, а Москву всю избилъ 1).

1) Приписка: Тутъ убито изъ россійского войска сорокъ князей.

1659. Иванъ Выговский, подъ Хвастовомъ, Юрію Хмелницкому булаву и гетманство отдалъ.

Того жъ лЂта, за Цюцюры, полковника переяславскаго, козаки въ ПереяславлЂ, въ НЂжинЂ, въ Черниго†ляховъ выбили и НемЂрича пана благочестивого, который зъ лютра тогды зосталъ благостивый, мужикъ стявъ косою.

Того жъ року, Юрый Хмелницкий цару московскому поклонилъся.

1660. Борисъ Василиевичъ Шереметъ зъ войскомъ великимъ московскимъ и козаками, которыхъ былъ гетманомъ сЂверскимъ Цюцюра, вышелъ съ Киева, на Полщу воевати, которыхъ москалевъ съ Шереметомъ и Цюцюрою ляхи подъ Чудновомъ осадили, а потомъ москва и козаки, будучи голодомъ зморены, за персвазиею Івана Виговского, который былъ уже зъ ляхами, ляхомъ здалися, а ляхи Шеремета, зъ москвою и козаками, въ неволю отдали татарамъ, тылко Цюцюру до себе взявши, вязенемъ его въ ДубнЂ мучили, а потымъ на Вкраину зъ Дубна, утекъ и умеръ.

1661. Юрий Хмелницкий гетманъ, который зменилъ цару московскому, а поклонившися королеви полскому Яну Казимирови, переправившися чрезъ ДнЂпръ, ишолъ подъ Переяславль добывати въ немъ Ромодановского, воеводу московского, и станулъ о полмилЂ отъ Днепра, зъ войскомъ своимъ, а Ромодановскій изъ Якимомъ Сомкомъ, дядкомъ Хмелиицкого, гетманомъ сЂверскимъ, /14/ вышедши зъ войсками московскими и козацкими, пошолъ инсперате потоптомъ на Хмелницкого, который, не могучи прийти до справы, утекати почалъ на конехъ презъ ДнЂпръ, противъ Канева, и потонуло козаковъ его и ляховъ тисячи десеть и килка сотъ, отъбЂгша всего табору; а хто не вспЂлъ утекати, тыхъ москалъ побили. А потымъ, орда пришла сильная на Вкраину, по которую Хмелницкий посылалъ, але на той часъ не приспЂла gды Ромодановский гонилъ Хмелницкого, и много шкоды въ людяхъ починила.

И на той часъ Климентия Старушича, ігумена выдубицкого, подъ Лубнами взяли съ челядью, который Ђздилъ на Преображение Господне до Мгара, на празникъ; на той часъ у МгарЂ былъ ігуменомъ Викторъ Загоровский; але Старушича законники терехтомЂровскии выкупили.

1662. Юрый Хмелницкий въ ЧигиринЂ Павлу ТетерЂ отдалъ булаву и гетманство, а за ДнЂпромъ Сомко былъ гетманомъ; а Хмелницкий пострыгся въ чернцЂ въ монастыру Курсунскомъ; стриглъ его Дионисій Балабанъ, митрополитъ киевский, а игуменомъ на той часъ въ КорсунскомЂ монастыру былъ Θеодосий Углицкій.

1663. Рада, албо зрада чернецкая, козацкая была подъ НЂжиномъ, и тамъ Івана Бруховецкаго москалЂ учинили гетманомъ, а Сомка гетмана и Васюту Золотаренка, полковника нЂжинского, ОникЂя СилЂча, полковника чернЂговскаго, полковника переяславского Шамрицкого и еще пятого человЂка знатнаго казалъ Бруховецкий постинати татаринови въ БорзнЂ; итакъ зостали мучениками, бо невинне потрачено ихъ.

Того жъ году, СЂрко зъ Запорожья приходилъ добивати Чигирина, але не добывши, отступилъ.

1664. Тетера да Чернецкій и Маховский Івана Выговскаго казалъ рострЂляти; а онъ на той часъ въ избЂ поклякнувши, читалъ акафистъ пресв. Богородици; похованъ въ Великомъ СкитЂ, изъ жоною своею Стеткевичовною, которой gды сказано, уже пана забито, пала и умерла, зоставивши сына единого своего, еще невеликого. /15/

Того жъ року, Чернецкий зъ жолнЂрами своими, въ постъ великий, въ середу першого тиждня, о вечерней годинЂ, пришелъ до Чигирина и облЂглъ СЂрка въ БужинЂ, а СЂрко на самый день Воскресенія Христова, вышедши зъ своими козаками зъ замочку, инсперате вдарилъ на ляхи и много ихъ постиналъ и покололъ; и пошолъ въ поля чрезъ Медведовку волно, а Чарнецкій Бужинъ и Суботовъ спалилъ и тамъ въ Субото†тЂло старого Хмелницкого и Тимоша сына его, которого подъ Сочавою забито, казалъ съ гробовъ въ рынку выкинути на пепелище. Суботовъ тогды былъ пустъ, а псовъ съ Чигирина, зъ Суботова и зъ иншихъ пустыхъ мЂстъ украинскихъ, великое мнозство было, которыи чередами ходячи, не только мертвыхъ трупы Ђли, але и живымъ людемъ шкодили; а Чернецкий, набравши скарбовъ и гарматъ, вышолъ съ Чигирина, для того же и самъ Тетера, гетманъ, съ Чигирина до Полщи выражался; тылко Хлопицкий зъ ляхами въ ЧигиринЂ зостался.

Того жъ року, Янъ Казимиръ, кроль полский, зъ войскомъ полскимъ и татарскимъ и козацкимъ другого боку Днепра, былъ за Днепромъ; Рождество Христово отправовалъ въ Козелцу, и Глухова добываль недЂлъ четыри; а не доставши, отступилъ и пошелъ до Полщи, gды жъ весна наступовала. А gды былъ въ КорсунЂ, идучи на ЗаднЂпре, тамъ Іосифа Нелюбивича Токалского, митрополиту (по БалабанЂ) киевского и хмелницкого, котрого въ иночест†названо Гедеономъ, казалъ запроводити до Майборку, на заточение, а Антония Винницкаго учинилъ митрополитомъ, епископа переяславского (перемышльского?).

1665. Тетера вышолъ исъ Чигирина, не здавши никому гетманства.

Того жъ року, Бруховецкий Чигирина добывалъ недЂлъ четыри, а не добывши, отступилъ. По ТетерЂ насталъ гетманомъ Опара, а потымъ его татаре съ козацкого табору взяли зъ собою въ Кримъ. Потымъ Дорошенко въ ЧигиринЂ зосталъ гетманомъ.

Того жъ року, Бруховецкий оженился на МосквЂ.

1666. Солнце мЂнилося, але не все, въ Петровку, въ пятокъ десятый по Воскресеніи ХристовЂ. /16/

Тогожъ року, былъ перепись во всей Малой Россіи, по указу цара московского, якъ много людей на ВкраинЂ, старыхъ и молодыхъ, и въ пелюшкахъ писано.

Того жъ року, на святого пророка Илию, козаки, направленые отъ Дорошенка, убили Данка, полковника переясловского и судию енералного, а потымъ и иншихъ немало, и ввойшли въ Переяславъ и, выпаливши мЂсто, утекли за ДнЂпръ до Дорошенка.

Того жъ року, Никона, патриарху московского, зложили съ патриаршества, патриарха александрийский, другий антиохийский и невинне въ заточение послано, за росказанемъ цара АлексЂя Михайловича.

1668. Бруховоецкий, гетманъ, Алексеови Михайловичу, цару московскому, зменилъ и воеводъ московскихъ и москаловъ по городахъ велЂлъ бити.

Того жъ часу, Москва Переяславль допалила и НЂжинъ ввесь спалила.

Того жъ року, Дорошенко пришелъ подъ Полтаву въ чернецкую раду, а Бруховецкий зъ Гадячого ишолъ въ тую жъ раду; и тамъ его запорозци забили, а Дорошенко отъ обоихъ сторонъ ДнЂпра зосталъ гетманомъ.

Того жъ року, Ромодановского, гетмана и воеводу московского, у БЂлыхъ Вежахъ татаре осадили и сына его подъ Ичнею на бою взяли.

1669. Демяна МногогрЂшного Москва въ ГлуховЂ, третей недЂли посту великого, гетманомъ учинила и той обралъ себЂ жити въ БатуринЂ гетманское; и по немъ иншие гетманы тамъ живутъ.

1672. Цесаръ турецкий самъ былъ подъ Каменцемъ-Подолскимъ и взялъ его августа дня 18, а по Лвовъ посылалъ Капланъ-пашу зъ войскомъ турецкимъ и татарскимъ и Дорошенкомъ съ козаками, который паша добывалъ его моцно, але не добылъ; а Дорошенко послалъ до монастыра Креховского, споды Лвова, Івана Мазепу; Капланъ паша не вЂдалъ и послалъ часть войска турецкого и татарского добывати того жъ монастыра, а gды пришло войско его тамъ, били ихъ, боронячися, чернцы добре и ханского /17/ забито сестренца gліотомъ желЂзнымъ; и самъ залога Іванъ Мазепа зъ ручници много турковъ трупомъ положилъ, за що велми розгнЂвався ханъ и болшую громаду войска татарского и турецкаго добывати Крехова послано. Видячи чернцы, же трудно оборонитися, здалися туркомъ и дали за себе окупу срЂбра церковного каменей чтыри и таляровъ тисячу; а такъ отишли отъ нихъ турки и пришли до цесара, до Каменца Подолского, а на той часъ Михаилъ, кроль полский, Корибутъ Вишневецкий, съ посполитымъ рушеньемъ, стоялъ въ Великой Полщи, подъ Голембемъ, а Янъ СобЂский, гетманъ и маршалокъ великий коронный, зъ войскомъ кварцянымъ полскимъ, былъ въ Покутю и подъ Калушемъ мЂстомъ билъ велми орду; а самъ вожъ ихъ Адзи-gерей султанъ блудилъ по лЂсу дней 5, ажъ его мужикъ еденъ выпровадилъ на дорогу, а онъ ему за то далъ 30 червоныхъ. А лвовяне поступили дати, Ђднаючи турковъ, сорокъ тисячий червоныхъ золотыхъ, а сорокъ таляровъ битыхъ; и дали въ заставу имъ двохъ мещанъ Руси, двухъ знову мещанъ поляковъ, двохъ мещанъ ормяновъ, и они отступили оды Лвова, але напотымъ въ лЂтъ килка тыхъ всЂхъ мещанъ турчынъ о замЂнъ за едною великого якого татарина пустылъ съ Каменца до Лвова, безъ датку вышъпомененной сумы.

1673. Михаилъ, кроль полскій, во Лво†умеръ.

Того жъ часу, Янъ Собеский, гетманъ и маршалокъ великий коронный, зъ гетманомъ литовскимъ Пацомъ, маючи при собЂ войска коронное и литовское, збили турковъ подъ ХотЂнемъ, послЂ Покрови, и обозъ взяли; тамъ Янъ Собеский въ замку ХотЂнскомъ грошей мишокъ сЂмъ взялъ скарбу турецкого.

Того жъ лЂта, Янъ Собеский, гетманъ, зосталъ кролемъ полскимъ.

1674. Цесаръ турецкий самъ особою своею другий разъ вышолъ и городы козацкие: Умань, Ладижинъ, Збаражъ, Подгайци и иншие городки побуривши, людей мнозство великое забрали въ полонъ, а то Дорошенко цесара на тое озрушилъ, бо уманци были збунтовалися и сами мижъ собою улицами билися, едны себе турецкими, а другіи московскими називаючи; якъ же пришолъ турчинъ, такъ всЂ погинули. /18/

Того жъ времени, въ постъ великий, Демяна МногогрЂшного, гетмана козацкого, москалЂ на заточение въ СибЂрь заслали, а Івана Самойловича гетманомъ учинили.

1675. Петро Дорошенко цару московскому съ Чигирина прислалъ до Москвы санджаки турецкие.

1676. Алексей Михайловичъ, царъ московский, померъ генваря дня 10, а по немъ зосталъ царемъ Θеодоръ АлексЂевичъ, сынъ его.

Того жъ року, Петро Дорошенко цару московскому поклонился и поЂхалъ до Москвы зовеЂмъ на мешкане и тамъ былъ въ чеети царской; а поживши лЂта многие, умеръ на Моск